ДУШАНБЕ, 3 июнь — Sputnik. Солҳои охир вазъи ҳуқуқи башар дар Украина пайваста бадтар мегардад. Дар ин бора дар гузориши вазорати корҳои хориҷии Русия гуфта мешавад.
Имрӯз дар ин кишвар ҳама чизи русӣ - забон, фарҳанг, маориф ва васоити ахбори омма манъ аст, гуфта мешавад дар ҳуҷҷат.
"Дар ҳоли ҳозир метавон гуфт, ки Киев бо амалҳои худ комилан мустақил набудан ва "режими лӯхтактакмонанд будани" худро пурра тасдиқ мекунад", - таъкид кардааст ВКХ.
Дар алоҳидагӣ қайд карда мешавад, ки Украина дар натиҷаи русизудоии маориф "муваффақиятҳои" махсус ба даст овардааст:
- таълим ба забони русӣ дар мактабҳои Украина манъ аст;
-ҳама асарҳои русӣ ва даврони шӯравӣ аз барномаҳои таълимӣ хориҷ карда шудаанд, китобҳо ба забони русӣ аз ҳамаи китобхонаҳои кишвар хориҷ карда мешаванд.
- ба мактаббачагон ва муаллимон ҳам дар синф ва чи дар муоширати шахсӣ ҳатто бо забони русӣ гап задан манъ аст.
- режими Киев инчунин ба таври қонунӣ ҳамла ба калисоҳои православиро дастгирӣ мекунад, дар ин кишвар ба фашистони СС эҳтиром гузошта мешавад.
Вазорати умури хориҷии Русия мегӯяд, Ҳамаи ин қонуншиканиҳо аз ҷониби Ғарб ва аксари созмонҳои байналмилалии дифоъ ва ҳуқуқи башар нодида гирифта мешаванд,
Қаблан Сергей Лавров, раҳбари Вазорати умури хориҷии Русия, аз эҳёи натсизм дар як қатор кишварҳои ғарбӣ хабар дода буд.
Ба ақидаи ӯ, ин дар он ҷоҳҳое дида мешавад, ки зидди қатъномаи Маҷмаи Умумии СММ дар бораи мубориза бо ситоиши натсизм овоз медиҳанд. Вай қайд кард, ки Олмон, Ҷопон ва Италия чунин амал доранд. Кишварҳое, ки пас аз тавбаашон ба Созмони Милали Муттаҳид қабул шуданд ва ваъда доданд, ки "дигар ҳеҷ гоҳ" ба ин кор рӯ намеоранд.