ДУШАНБЕ, 17 мар — Sputnik. Дар Тоҷикистон интихоботи президентии Русия барои шаҳрвандони ин кишвар, ки дар қаламрави ҷумҳурӣ кору зиндагӣ доранд, ҷараён дорад.
“То соати 14:00 ба вақти маҳаллӣ (12:00 бо вақти Маскав) дар интихобот 5819 раъйдиҳанда ширкат намудааст”, - иттилоъ додааст хабарнигори Sputnik Тоҷикистон дар истинод ба сафорати Русия дар Тоҷикистон.
Ёдовар мешавем, ки Шӯрои Федератсия интихоботи президентиро 17 марти соли 2024 таъин кардааст.
Раъйдиҳӣ тӯли се рӯз: 15, 16 ва 17 март сурат мегирад ва чаҳор номзаде, ки аз ҷониби Комиссияи марказии интихоботи Русия сабти ном шудааст, барои курсии раҳбари давлат: Леонид Слутский, Николай Харитонов, Владислав Даванков ва Владимир Путин рақобат доранд.
Овоздиҳӣ соати 20:00 ба охир мерасад, охирин минтақаи дар он раъйдиҳӣ ба анҷом мерасад вилояти Калинингради Русия хоҳад буд.
Дар ҷараёни интихоботи президентии Русия дар хориҷи кишвар 295 ҳавзаи интихоботӣ, аз ҷумла 6 ҳавзаи интихоботӣ дар Тоҷикистон фаъолият дорад.