ДУШАНБЕ, 17 мар — Sputnik. Раъйдиҳӣ дар интихоботи президентии Русия оромона, муташаккилона ва бидуни мушкилоти ҷиддӣ ҷараён дорад, гуфт роҳбари ҳайати нозирони ИДМ, муовини Дабири кулли Иттиҳоди Давлатҳои Мустақил Илҳом Неъматов ба РИА Новости.
Вай илова кард, ки раъйдиҳӣ оромона ва мутобиқи қонунгузории Русия ҷараён дорад.
“Мо ҳамагӣ 194 нозир дорем ва аз Калининград то Владивосток 28 вилоятро фаро гирифтем... Мо ба наздикӣ, фардо изҳороти ниҳоии худро эълон хоҳем кард. Табиист, ки мо танҳо аз рӯи натиҷаҳои мушоҳидаҳои карда, дар асоси нишондодҳои худ изҳороти ниҳоиро тайёр омода мекунем”, — гуфт оқои Неъматов.
Вай ҳамчунин қайд кард, ки тамоми сомонаҳо бо воситаҳои техникии зарурӣ ва маводи иттилоотӣ муҷаҳҳаз мебошанд.
“Мо тамошо кардем: дирӯз дар вилояти Маскав ба се ҳавза, яъне мо ба вилояти Калуга, вилояти Рязан, вилояти Владимир сафар кардем... Ҳама муташаккилона кор мекунанд, омодагӣ дар сатҳи оли аст”, — гуфт ӯ.
Шӯрои Федератсия интихоботи президентиро 17 марти соли 2024 таъйин кардааст. Овоздиҳӣ давоми се рӯз: 15, 16 ва 17 март сурат мегирад.
Комиссияи марказии интихоботи Русия барои иштирок дар интихоботи президентииРусия чаҳор номзадро сабтином кардааст: Леонид Слутский, Николай Харитонов, Владислав Даванков ва Владимир Путин талош доранд.