ДУШАНБЕ, 8 дек — Sputnik. Раванди ҳамлу нақл ба самти Осиёи Ҷанубу Шарқӣ ва Чин майл карда истодааст ва ин рӯшан мушоҳида мешавад, изҳор дошт вазири энрегетика ва инфрасохтори Комиссияи иқтиодии АвруОСиё, Арзибек Кожошев.
Ӯ зимни як ҳамоиш дар масоили ҳамлу нақл гуфт, дар шароити маҳдуд будани захоир барои кишварҳои Иттиҳоди иқтисодии АвруОсиё зарур аст, самаранокии ҳамаи қисматҳои низоми ҳамлро боло баранд, то савдои дохилию хориҷӣ дар шароити мусоид рушд кунад.
Муовини вазири нақлиёти Қазоқистон Мақсат Калиакпаров, дар навбати худ, кори фаъол барои бунёди долони "Шимол-Ҷануб"-ро аз ҷониби иштирокчиёни Русия ва Осиёи Марказӣ тавсиф намуда, тамоми кишварҳои иттиҳодро ба ҳамкорӣ даъват намуд.
Ёвари вазири нақлиёти Русия Евгений Фидчук аҳамияти хатсайрҳоеро, ки Комиссия ба феҳристи долонҳои нақлиётии Авруосиё дохил кардааст, таъкид карда, тезондани тарҳҳоро муҳим хондаст.
Мудир оид ба ҳамкорӣ бо мақомоти давлатии ширкати нақлиётии байналмилалии роҳи оҳани "ОТЛК ЕРА", Лариса Коршунова изҳор доштаст, ки тамоюли афзоиши ҳамлу нақли контейнерӣ дар ҷаҳон ҳар сол 3%-ро ташкил медиҳад.
Ин асосан ба Осиёи Ҷанубу Шарқӣ дахл дорад, ки тамоюли рушди тиҷорат ба сӯи он тағйир меёбад. Ҳамаи ин аз соҳа ҳалли нави технологӣ, аз ҷумла лоиҳаҳои рақамиро талаб мекунад, зарур хонд Коршунова.