ДУШАНБЕ, 5 дек — Sputnik. Раиси Маҷлиси миллии Тоҷикистон Рустами Эмомалӣ ва раиси Думаи давлатӣ Вячеслав Володин сӯҳбати телефонӣ анҷом доданд.
Дар ин бора дафтари матбуоти Думаи давлатӣ хабар додааст.
Гуфта мешавад, ки дар мулоқот масоили омодагӣ ба ҷаласаи Ассамблеяи порлумонии Созмони Паймони Амнияти Дастаҷамъӣ (СААД), ки рӯзи 19 декабр дар Маскав баргузор мешавад, баррасӣ шудааст.
Ба гуфтаи Володин, равобити Русия ва Тоҷикистон “дар асоси принсипҳои эҳтиром ва ҳамкориҳои мутақобилан судманд ба таври динамикӣ рушд мекунанд”.
Ёдовар мешавем, ки нишасти сарони СПАД моҳи ноябр дар Минск баргузор шуда буд.
Дар он президентҳои ҳамаи кишварҳои узви ин иттиҳодия, ба истиснои сарвазири Арманистон Никол Пашинян ширкат доштанд.
Владимир Путин, раисиҷумҳури Русия, дар ин дидор таваҷҷуҳи худро ба он ҷалб кард, ки дар тӯли соли 2023 “барои нигоҳ доштани омодагии ҷангӣ, такмили низоми фармондеҳӣ ва баланд бардоштани сатҳи омодагии кадрҳои низомӣ як қатор тадбирҳо андешида шуданд”.
Дар ҳамин ҳол, Александр Лукашенко, раиси ҷумҳури Белорус, зимни суханронӣ дар ин чорабинӣ вазъи ҷаҳониро пуртаниш баён кард, ки муттаҳидсозии бештари талошҳо ва таҳкими СПАД-ро тақозо мекунад.