ДУШАНБЕ, 29 ноя — Sputnik. ИИАО тасмим гирифтааст, ки гандуми Русияро барои пешгирии буҳрони маҳсулоти макаронӣ ба кишварҳои узви созмон содир кунад.
Дар ин бора Шӯрои Комиссияи иқтисодии Авруосиё (ЕЭК) хабар додааст.
Ин иқдом дар пайи пешгӯиҳои кам рӯёнидани гандум дар соли оянда гирифта шудааст.
"Истеҳсоли ҷаҳонии гандуми сахт дар соли кишоварзӣ метавонад тақрибан 8% коҳиш ёбад, ки ин хатари норасоиро дар бозор ба вуҷуд меорад", - ҳушдор дод вазири савдои КИ созмон Андрей Слепнев.
Илова бар ин, бинобар ин тамоюл нархи макарон, ки ба навъҳои муҳими иҷтимоии маҳсулоти озуқа тааллуқ доранд, метавонад баланд шавад.
Дар робита ба ин, кишварҳои ИИАО мехоҳанд маҳдудиятҳои эҳтимолиро дар содироти ғалла ҷорӣ кунанд.
Ёдовар мешавем, ки ахиран Шӯрои КИА созишнома дар бораи низоми ягонаи транзити гумрукии Иттиҳоди иқтисодии Авруосиё ва тарафи сеюмро тасдиқ кард.
Ин на танҳо ба оптимизатсияи тартиби интиқоли бор, балки ба ҳадди ақал расонидани амалҳои хадамоти танзимкунанда мусоидат мекунад.