Рассомону ҳунармандон дар Бунёди мусаввирии Тоҷикистон барои чанд рӯз дарҳои кошонаашонро барои дӯстдорони санъат боз гузоштанд.
Хоҳишмандон дар устохонаҳои Бунёди мусаввирии ҷумҳурӣ имкон доштанд, осорро тамошо кунанду бо муаллифон суҳбат ороянд.
Дар ин чорабинӣ осори Далер Миҳтоҷов, Умед Аҳмадов, Ғуфрон Собиров, Фурқат Карамхудоев, Мақсуд Мирмуҳаммадов, Алишер Эрназаров, Беҳзод Боймуродов, Давлат Абдуазизов, Шерзамон Латипов, Камол Акрамов, Ҷумахон Умаров, Пайрав Гулов, Сироҷ Арабов пешниҳод шуда буд.
Инчунин Дилмурод Шарипов, Шуҳрат Орипов, Илёс Мамадҷонов, Меҳриддин Воҳидзода, Эраҷ Олимов, Кароматулло Аҳматов, Олим Ҳайдаров, Қобил Шарипов, Давлат Розиқов, Абдусамад Давлатов, Ҷамшед Ҷӯраев, Насим Негматов дар феҳрасти иштирокдорон буданд.
Рассоми шинохтаи тоҷик, Далер Миҳтоҷов гуфт, баргузории чунин намоиш дар охири ҳар сол ба ҳукми анъана даромада, як навъ ҷамъбасти сол барои намояндагони соҳа аст.
Ин чорабинӣ наслҳои мухталифро гирди ҳам меорад, фурсати баҳсу баррасиҳои атрофи асари алоҳида ва соҳа дар маҷмуъ арзёбӣ мешавад.