ДУШАНБЕ, 22 ноя — Sputnik. Сухангӯи ҳукумати Толибони Афғонистон ахиран гуфт, ки Кобул иҷозаи истифода аз хоки худ алайҳи ҳеҷ кишвареро нахоҳад дод, иттилоъ додааст хабаргузории “Ово”.
Ба иттилои манбаъ, Забеҳуллоҳ Муҷоҳид сухангӯи ҳукумати Толибон ин изҳоротро дар вокуниш ба суханони раисиҷумҳӯри собиқи Амрико кардааст.
Ёдовар мешавем, ки Доналд Трамп раисиҷумҳури собиқи Амрико ҳафтаи гузашта дар як суханронӣ гуфта буд, ки дар сурати пирӯзӣ дар интихоботи соли 2024, контроли пойгоҳи ҳавои дар Афғонистонро дубора ба даст хоҳад гирифт.
Вай гуфт, ки Амрико аз ин макони роҳбурди барои назорат ва кантроли Чин истифода хоҳад кард.
Забеҳуллоҳ Муҷоҳид дар вокуниш ба изҳороти Трамп гуфт: “Мо иҷоза намедиҳем, ки хоки Афғонистон майдони бозиҳои сиёсӣ байни кишвраҳо бошад”
“Иҷоза намедиҳем ҳатто як нерӯи хориҷӣ дар Афғонистон ҳузӯр дошта бошад”, - афзуд Муҷоҳид.