ДУШАНБЕ, 30 окт — Sputnik. Дар Вилояти Мухтори Кӯҳистони Бадахшони Тоҷикистон заминларза рух дод.
Дар ин бора олимони Маркази сейсмологии Аврупо ва Баҳри Миёназамин (EMSC) хабар доданд.
Ҳамин тариқ, тибқи маълумоти марказ, шиддати ларзиши зеризаминӣ 4,3 баллро ташкил додааст.
Заминларза дар наздикии шаҳри Хоруғ ба қайд гирифта шудааст - маркази зилзила дар 32 километрии маркази маъмурии ВМКБ буд.
Заминларза соати 00:35 ба вақти Душанбе рух додааст. Манбаи заминларза дар умқи 134 километр будааст.
Кумитаи ҳолатҳои фавқулода ва мудофиаи граждании ҷумҳурӣ то ҳол дар бораи талафот ва хисороти моддӣ изҳори назар накардааст.
Аксаран чунин ҳолатҳои изтирорӣ дар Тоҷикистон дар Бадахшони Кӯҳӣ рух медиҳанд - ҳамагӣ дар 6 моҳи соли ҷорӣ дар ин минтақа беш аз 20 ҳодисаи табиъӣ сабт шудааст.
Дар натиҷа дар вилоят 18 нафар кушта ва ба маблағи беш аз 19 миллион сомонӣ хисорот ворид шудааст.