Халабон Хушбахт Турсунов, ки аслан аз шаҳри Конибодом буд, моҳи августи соли 2023 кушта шуд. Дар он рӯз хоин Максим Кузминов, ки ба Украина кор мекард, чархболи Ми-8-ро дуздид. Дар дохили чархбол Турсунов бо ҳамроҳи боқимондаи экипаж қарор дошт.
Ҳавопаймо марзи Русияву Украинаро убур карда, дар вилояти Харков фуруд омад. Ҳайати экипаж ба ҷуз халабони хиёнаткор таслим нашуда кушта шуданд.
Пас аз ин ба Хушбахт Турсунов унвони Қаҳрамони Русия дода шуд. Хонаводаи Турсунов ба Sputnik Тоҷикистон дар бораи давраи кӯдакӣ, меҳри ӯ ба осмон ва суҳбати охиринашон нақл карданд.
"Аз хурдӣ орзу дошт, ки калон шавад, халабон мешавад ва ба орзуи худ расид. Аз синфи якум то даҳум хеле хуб мехонд, пас аз хатми мактаб ба Русия рафт", - мегӯяд падари каҳрамон Алиҷон Турсунов.
Ба гуфтаи хоҳар Марворид Мадёров, ХушбахтТурсунов нахустин парвози худро соли 2013 анҷом дод.
"Ӯ ба мо гуфт: "Бубинед, ҳама чиз чӣ қадар зебост." Ӯ ё акс ё видео фиристод ва аз парвозҳои худ шод шуд ва гуфт, ки ин хеле зебо аст, бо сухан гуфтан ғайриимкон аст, ба ин зебоӣ нигаред", - қайд кард ӯ.
Ҷасади ӯ ба ватанаш интиқол ёфт ва он ҷо ба хок супурда шуд.