ДУШАНБЕ, 18 окт — Sputnik. Агар ИМА бар ин аст, ки Русия дар амалиёти вижа дар Украина бохтаст, бигузор аслиҳаашонро бозпас гиранд.
Ин нуктаро раисҷумҳури Русия, Владимир Путин дар посух ба суол дар мавриди иддаои ИМА дар бораи "бохт"-и Маскав баён дошт.
Вай инчунин аз натиҷа надодани ҳамлаҳои ҷавобии Украина зикр намуда, афзуд, ки дар дар ин кишвар тамоюлҳое сӯи музокирот ба мушоҳида мешаванд, ки ин хуб аст, аммо кофӣ нест.
"Агар Украина гуфтушунид хоҳад бигузор амалҳои намоишкориро хотима диҳаду санади манъи гуфтушунидро бекор намояд", - гуфт Путин.
Ба иттилои раисҷумҳури Русия, таъмини мушакҳои нави нисбатан дурпарвози ATACMS танҳо саргармии Украинаро тамдид мекунад, аммо натиҷа намедиҳад. Путин таъкид кард, ки низоми мудофиаи ҳавоии Русия қодир аст, ки мушакҳои мазкурро сарнагун созаду ин иқдом иштибоҳи навбатии ИМА мебошад.
Ӯ дар идома зикр намуд, ки Иёлоти Муттаҳидаи Амрико дар низоъ дар Украина ҳарчи бештар бевосита дахл карда истодааст.
"Онҳо ҷалб мешаванд, ин як чизи ошкор аст. Ва бигзор касе нагӯяд, ки онҳо ба ин кор иртибот надоранд. Мо бовар дорем, ки онҳо доранд", - гуфт ӯ.
Амалиёти вижа ба ҳимояи Донбасс моҳи феврали соли 2022 оғоз гардида, ҳадафи он ҳимояи одамоне гуфта шуд, ки таҳти таъқибу наслкушӣ қарор доштанд.