ДУШАНБЕ, 17 окт — Sputnik. Хафви вусъати низои Фаластину Исроил боқй мемонад. Дар ин бора котиби матбуотии президенти Русия Дмитрий Песков рӯзи сешанбе ба хабарнигорон изҳор дошт.
"Мисли пештара, таҳдиди густариши низоъ боқӣ мемонад. Ин метавонад барои тамоми минтақа паёмадҳои комилан даҳшатнок дошта бошад. Ин метавонад ба фалокати аз ин ҳам бештари башардӯстона оварда расонад", - гуфт Песков.
Ба гуфтаи мавсуф, ҳоло чизи асосӣ қатъи ҷанг ва баъд, ба раванди ҳалли консептуалӣ бо кӯшишҳои нав муносибат намудан аст.
Барои ин ба гуфтаи Песков ниёз ба давлати мустақили Фаластин ва кафолати амниятӣ барои Исроил ва исроилиён аст, ки онҳо бояд дар сулҳ зиндагӣ кунанд ва худро дар амн эҳсос кунанд.
Вай дар идома афзуд, ки фоҷиа дар Ховари Миёна, аз ҷумла, фоҷиаи башардӯстона, натиҷаи беэътиноии дарозмуддати як қатор кишварҳо ба ҳалли низои Фаластин ва Исроил аст.
"Мо мебинем, ки муноқиша хеле тӯлонӣ аст. Дарвоқеъ, фоҷиае, ки ба вуқӯъ мепайвандад - ва башардӯстона - албатта, ҳама оқибатҳои беэътиноии беш аз як даҳсола аз ҷониби як қатор кишварҳо ба раванди ҳалли Ховари Миёна аст",- таъкид кард вай.
Субҳи 7 октябр Исроил дар чаҳорчӯби амалиёти Тӯфони Ал-Ақсо, ки аз ҷониби ҷиноҳи низомии ҷунбиши Ҳамос фаластинӣ эълон шуда буд, аз навори Ғазза мавриди ҳамлаи мушакии бесобиқа қарор гирифт. Пас аз ин, ҷангиёни ин созмон ба манотиқи марзии ҷануби Исроил ворид шуданд.
Дар посух, нерӯҳои дифоъии Исроил амалиёти "Шамшерҳои оҳанин" алайҳи Ҳамос дар навори Ғаззаро оғоз карданд. Дар давоми чанд рӯзи ҳамла артиши исроилӣ тамоми шаҳракҳои наздики марзи Ғаззаро таҳти назорат гирифта, ба ҳамлаҳои ҳавоӣ ба ҳадафҳо, аз ҷумла мардуми осоишта дар ин минтақа шурӯъ кард.
Исроил инчунин муҳосираи пурраи навори Ғаззаро эълон кард: интиқоли об, ғизо, нерӯи барқ, дору ва сӯзишворӣ қатъ карда шуд.
Теъдоди қурбониёни навори Ғазза пас аз бомбаборони Исроил аз 2 ҳазор нафар гузашт, ки охирин омор нест ва шумори қурбониёни исроилӣ аз ҳазор нафар гузашта,. Ҳамзамон чанд ҳазор исроилӣ ва фаластинӣ захмӣ шуданд.