ДУШАНБЕ, 10 окт — Sputnik. Дар 9 моҳи соли равон ҳаҷми истеҳсоли маҳсулоти саноатӣ дар Суғд ба зиёда аз 18 млрд сомонӣ расонда шудааст, ки нисбати ҳамин давраи соли гузашта 7,5% зиёд мебошад.
Ин нуктаро зимни ҷамъбасти натиҷаҳои рушди иҷтимоию иқтисодии вилоят дар 9 моҳ, муовини раиси вилоят Зариф Мирдадо баён дошт.
Ба иттилои дафтари матбуоти ҳукумати Суғд, ба истиқболи ҷашни 35-солагии Истиқлоли давлатии Тоҷикистон дар соли 2023 ба истифода додани 150 корхонаву коргоҳи нави саноатӣ пешбинӣ гардида буд, ки барзиёд иҷро гардид.
Аз ҷумла дар давоми 9 моҳи соли равон 217 корхонаву коргоҳи нав бо зиёда аз 2 ҳазор йойи нави корӣ, ба фаъолият шуруъ намуданд, гуфт дафтари матбуот.
Манбаъ ҳамчунин номгӯи бархе аз маҳсулоти саноатӣ ва ҳаҷми тавлидоти онро низ зикр намудаст.
Аз ҷумла, дар моҳҳои январ-сентябри соли 2023-юм 982 ҳазор тонна семент ва 1,1 млн тонна ангишт истеҳсол шудаст, афзуд манбаъ.
Ҳамчунин дар вилоят таносуби истеҳсоли орд дар нуҳмоҳа нисбати ҳамин давраи соли гузашта 121%, равғани растанӣ 96%, нон ва маҳсулоти нонӣ 85%, консерваҳо қариб 1234% ва нӯшокиҳои беспирт қариби 132%-ро ташкил додаст.