Дар бахше аз чорабинӣ иштирокчиён ба хотири гиромидошти забони тоҷикӣ пурра бо забони тоҷикӣ суҳбат мекарданд ва дар қисме аз он барои эҳтироми омӯзгорони Русия бо забони русӣ баромад намуданд, ки ин ду маҳфили ширу шакар” ро мемонд.
Коллективи омӯзгорону толибилмони мактаби тоҷикию русии ба номи Чехов дар Хуҷанд дар радифи рӯзи забони тоҷикӣ, рӯзи омӯзгорро бо шукӯҳ таҷлил намуданд.
Рӯзи забони давлатӣ дар Тоҷикистон ва рӯзи омӯзгор дар Русия, ба як санаи 5 октябр рос меояд ва ин ду аз идҳои муҳим барои ин кишварҳо маҳсуб мешавад.
Хабарнигори Sputnik Тоҷикистон ба мактаби тоҷикию русии ба номи А. Чехов дар Хуҷанд рафт ва ҷараёни баргузории чорабинии идонаро ба дурвини худ сабт намуд.
Бино ба гуфти ӯ, дар бахше аз чорабинӣ иштирокчиён ба хотири гиромидошти забони тоҷикӣ пурра бо забони тоҷикӣ суҳбат мекарданд ва дар қисме аз он барои эҳтироми омӯзгорони Русия бо забони русӣ баромад намуданд, ки ин ду маҳфили ширу шакар” ро мемонд.
Елена Владимировна, ҷонишини дерктори мактаби тоҷикию руси ба номи А. Чехов зимни суҳбат гуфт, бахишида ба ин идҳо, ки ҳам барои кишвари Тоҷикистон ва ҳам барои Русия махсус ҳисоб мешаванд ба омӯзгорон сипоснома ва тӯҳфаҳо тақдим кардаанд.
Дар ин чорабинӣ ба ҳисоби намояндагони идораҳои фарҳанг ва маорифи Суғд, масъулони консули Русия дар Хуҷанд ширкат варзиданд.
Хонандагони ин мактаб меҳмонони чорабиниро хушку холӣ гусел накарданд, балки барномаи фарҳангиеро ба намоиш гузоштанд, ки тамошои он барои ҳар яки иштирокчӣ таасуроти нек мебахшад.