ДУШАНБЕ, 4 окт — Sputnik. Кишвардори Ӯзбекистон Шавкат Мирзиёев рӯзҳои 5-7 октябр Ба Русия сафар анҷом медиҳад, хабар дод дафтари матуоти кишвардори Ӯзбекистон.
Ба иттилои манбаъ, ин сафари расмӣ хоҳад буд.
"Тибқи барномаи будубош дар Маскав музокироти раҳбарони ду кишвар дар назар аст. Мирзиёев ҳамчунин бо раиси ҳукумати Русия Михаил Мишустин низ мулоқот хоҳад кард", - омадааст дар хабар.
Ҷонибҳо масъалаҳои тавсеаи минбаъдаи муносибатҳои дуҷонибаро баррасӣ намуда, ба тавсеаи ҳамкориҳои амалӣ дар бахшҳои тиҷоративу иқтисодӣ, сармоягузорӣ, муҳоҷират ва гуманитарӣ таваҷҷуҳи хоса зоҳир хоҳанд кард.
Манбаъ афзуд, Шавкат Мирзиёев инчунин ба Тотористон сафар карда, дар он ҷо бо волии ҷумҳурӣ Рустам Миннихонов гуфтушунид хоҳад кард.
Маврид ба зикр аст, ки дар Қазон ҳоло Анҷумани сеюми ҳамкориҳои байниминтақавии Ӯзбекистон ва Русия ҷараён дорад.