ДУШАНБЕ, 16 сен – Sputnik. Мақомот бо гузашти беш аз ду ҳафта зарари расида аз офати табииро маълум кардаанд.
Шермуҳаммад Сафаров, муовини бахши КҲФ дар ноҳияи Деваштич зимни суҳбат ба Sputnik Тоҷикистон, гуфт, ки дар пайи селхезии рӯзи 27 август дар умум 13 хонавода дар деҳаи Ҳавотаги ҷамоати Муҷуни Деваштич дидаанд.
Маблағи зарар дар умум беш аз 250 ҳазор сомонӣ ҳисоб шудааст.
“Ин маблағҳо ба ҳисоби 48 моли калони шохдор - 225 ҳазор сомонӣ охилхона бо маблағи - 1280 сомонӣ ва беш аз 8 км роҳҳои мошингард аст, ки зарари он 24 ҳазор сомонӣ маълум шудааст” – гуфт, Сафаров.
Ин мақомдори КҲФ гуфт, ки пас аз рухдоди ҳодиса дар ҳукумати ноҳияи Деваштич комиссияи вижаи бартарафсозии паёмади офати табиӣ таъсис ва ба кор шурӯъ кардааст.
Зимнан иншооту инфрасохторҳои заррардидаи аз ҷумла роҳҳои мошингард ҳавмор карда шудаанд.
Мақомот мегуянд дар назар аст рӯзҳои наздик масъулини ҳукумат ба сокинони зарардида чорвоҳои нобудшударо ҷуброн кунанд.
Бар пояи иттилоъи мақомот сар аз соли ҷорӣ то ин дам ин 3 – юмин ҳодисаи селфароӣ дар деҳоти ноҳияи Деваштич сабт шуда ва хисороти бузурги иқтисодӣ дар пай доштааст.
Ноҳияи Деваштич ва шаҳру ноҳияҳои Исфара, Конибодом, Ашт, Панҷакент, Масчоҳ, Айнӣ аз лиҳози рухдоди офатҳои табиӣ аз ҷумла селфароӣ осебпазир шумурда мешавад.
Ёдовар мешавем ҳамон шабу рӯз дар шаҳру навоҳии атрофи Душанбе низ селхезӣ ба амал омада хонаҳоро хароб карда мунҷар ба кушта шудани даҳҳо нафар гардид.