ДУШАНБЕ, 28 авг — Sputnik. Вазири нақлиёти Ӯзбекистон Илҳом Маҳкамов ҳамроҳ бо намояндаи вижаи раисҷумҳури ин кишвар дар умури Афғонистон ба ин кишвар сафар карданд, иттилоъ додааст дафтари матбуоти вазорати нақлиёти Ӯзбекистон.
Ба иттилои манбаъ, Илҳом Маҳкамов ва Ҳамидуллоҳ Охунзода руасои идороти ҳамлу нақли Ӯзбекистон ва Афғонистон дар масири автомобилронии Ӯзбекистон - Афғонистон - Покистони сафареро анҷом доданд.
Вазирон ҳамчунин вазъияти гузаргоҳи Салнг Афғонистон ва бандари Турхам дар марзи Афғонистону Покистонро баррасӣ карданд.
Дар сайти вазорати нақлиёт гуфта шудааст, ки дар ҷараёни гуфтугӯҳои дуҷониба, масоили ташкили даҳлези нақлиётии байналмилалӣ барои дастрасӣ аз тариқи Афғонистон ва Покистон ба банодири баҳри Ҳинд мавриди баҳсу баррасӣ қарор гирифт.
Дафтари матбуоти ин ниҳод таъкид кардааст, ки тарафайн ҳамчунин тавсеаи ҳамкории байни ширкатҳои нақлиётии логистикии ду кишвар, эҷоди шароити мусоид барои ширкатҳои ҳамлу нақли ҷодае байналмилалӣ аз ҷумлаи рафъи маҳдудиятҳои тронзитӣ аз тариқи хоки Афғонистонро мавриди тавваҷӯҳ қарор доданд.