ДУШАНБЕ, 26 авг — Sputnik. Баъди анҷоми сафари корӣ ба Қазоқистон раисҷумҳури кишвар Эмомалӣ Раҳмон аз шаҳри Остона ба Ватан баргашт.
Дар ин бора дафтари матбуоти раисҷумҳури кишвар хабар додааст.
Ба иттилои манбаъ, дар Фурудгоҳи шаҳри Остона кишвардори Тоҷикистон Эмомалӣ Раҳмонро бо нишони эҳтироми баланд ва самимияти хос роҳбари кишвари мизбон Қосим-Ҷомарт Токаев самимона гусел кард.
Дафтари матбуоти раисҷумҳур ёдовар шудааст, ки зимни ин сафар мулоқоти сатҳи олии раҳбари Тоҷикистон Эмомалӣ Раҳмон бо Президенти Қазоқистон Қосим-Ҷомарт Токаев баргузор шуд.
Сарони давлатҳо дар маросими ифтитоҳи Рӯзҳои фарҳанги Тоҷикистон дар Қазоқистон ва Намоишгоҳ-ярмаркаи маҳсулоти кишоварзӣ, саноатӣ, ҳунарҳои мардумӣ ва таомҳои миллии тоҷикӣ иштирок намуданд.
Ҳамчунин Эмомалӣ раҳмон зимни сафари кориаш аз Масҷиди марказии шаҳри Остона дидан кард ва бо ҷаъияти тоҷикони муқими Қазоқистон дидору мулоқот кард.
Ҳамчунин раисҷумҳури Қазоқистон кишвардори Тоҷикистонро бо ду тоҷики мувафақ, имомхатиби тоҷик Яҳёхоҷа Абдуллоло ва муовини тоҷикашро дар Ассамблеяи халқҳои ин кишвар Исмоилов Акбарҷон шинос кард.