ДУШАНБЕ, 25 авг — Sputnik. Тибқи иттилои Агентии обуҳавошиносони тоҷик 27 август дар баъзе ноҳияҳои тобеи ҷумҳурӣ, ва 28 август дар ноҳияҳои алоҳидаи вилояти Хатлон, ноҳияҳои тобеи ҷумҳурӣ, ноҳияҳои алоҳидаи кӯҳии вилояти Суғд ва ғарби ВМКБ борони бошиддат меборад.
Ҳарорати рӯзонаи ҳаво дар водиҳо то 8-10 дараҷа паст мешавад. Дар ноҳияҳои кӯҳию доманакӯҳии вилоятҳои Хатлон, Суғд, ноҳияҳои тобеи ҷумҳурӣ ва ғарби ВМКБ сар задани селҳои дорои хусусияти маҳаллӣ аз эҳтимол дур нест.
Дар Вилояти Мухтори Кӯҳистони Бадахшон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат борида, раъду барқ ба амал меояд. Ҳаво дар ғарби вилоят шабона то 17 дараҷа гарм, дар баъзе ноҳияҳо то то 23 дараҷа гарм, рӯзона то 32 дараҷа, дар шарқи вилоят шабона то 8 дараҷа гарм, рӯзона то 17 дараҷа гарм мешавад.
Дар вилояти Суғд ҳавои тағйирёбандаи бебориш пешгӯӣ шуда, дар ноҳияҳои алоҳидаи кӯҳӣ борони кӯтоҳмуддат борида, раъду барқ ба амал меояд. Ҳаво дар водиҳо шабона то 23 дараҷа гарм, рӯзона то 36 дараҷа гарм, дар ноҳияҳои кӯҳӣ шабона ҳаво рӯзона то 28 дараҷа гарм мешавад.
Дар вилояти Хатлон ҳавои тағйирёбандаи бебориш дар назар аст. Дар ноҳияҳои алоҳида чангу ғубор ба амал меояд. Ҳаво шабона то 23 дараҷа гарм, рӯзона то 38 дараҷа гарм мешавад.
Дар ноҳияҳои тобеи ҷумҳурӣ ҳавои тағйирёбандаи бебориш пешгӯӣ шуда, дар ноҳияҳои алоҳидаи кӯҳӣ борони кӯтоҳмуддат борида, раъду барқ ба амал меояд. Ҳаво дар водиҳо шабона то 22 дараҷа гарм, рӯзона то 37 дараҷа гарм, дар ноҳияҳои кӯҳӣ шабона то 15 дараҷа гарм, рӯзона аз то 33 дараҷа гарм мешавад.
Дар шаҳри Душанбе ҳавои тағйирёбандаи бебориш дар назар дошта шудааст. Ҳаво шабона то 21 дараҷа ва рӯзона то 37 дараҷа гарм мешавад.