ДУШАНБЕ, 24 авг — Sputnik. БРИКС бо касе рақобат намекунад ва кӯшиш намекунад ба касе муқобилат кунад ва тарафдори тартиботи нави бисёрқутбӣ мебошад.
Дар ин бора раисиҷумҳури Русия Владимир Путин тавассути онлайн дар нишасти муштараки раҳбарони БРИКС изҳор дошт.
"Ин раванди объективӣ, раванди эҷоди низоми нави ҷаҳонӣ, то ҳол мухолифони оштинопазир доранд, ки мехоҳанд ин равандро суст кунанд, аз пайдоиши марказҳои нави мустақили рушд ва нуфуз дар ҷаҳон ҷилавгирӣ кунанд",- гуфт Путин.
Сарвари Русия қайд кард, ки созмон инчунин ҷонибдори ҳифзи гуногунии марзҳои фарҳангии миллӣ ва имкони татбиқи моделҳои гуногуни рушд мебошад.
Дар ҳамин ҳол ӯ изҳор дошт, ки як қатор кишварҳо бешармона миллатгароӣро сафеду тарғиб месозанд, бегонаситезӣ, ифротгароиро ба миён меоранду ба терроризм мусоидат мекунанд.
Илова бар ин, Путин гуфт, ки мухолифони БРИКС талош доранд, низоми ҳуқуқи байналмилалиро бо қоидаҳои худ иваз кунанд.
“Кишварҳои ба истилоҳ “миллиардҳои тиллоӣ” ҳама корро мекунанд, то ҷаҳони собиқи якқутбиро ҳифз кунанд, ин ба онҳо мувофиқ аст, барои онҳо судманд аст”, - гуфт ӯ.
Ба гуфтаи вай, онҳо ин корро бо ҳадафҳои ғаразнок ва “тағйир додани мувофиқат ба вазъи кунунии сиёсӣ” мекунанд.
"Ҳар вақт ва ҳар чӣ ки шумо мехоҳед, мувофиқи манфиатҳои кишварҳои алоҳида. Аслан, ин ҳамон мустамликадорӣ аст, танҳо дар бастаи нав", - таъкид кард Путин.
Раҳбари Русия ҳамчунин гуфт, Маскав ҳама корро мекунад, то аз буҳрони ғизоӣ дар Африқо ва ҷаҳон ҷилавгирӣ кунад.
"Кишвари мо ба масъалаҳои таъмини кишварҳои Африқо ва умуман бозорҳои ҷаҳонӣ бо ғизо ва нуриҳои минералӣ таваҷҷӯҳи хоса зоҳир мекунад", - гуфт Путин.
Нишасти БРИКС рӯзҳои 22-24 август дар Йоханнесбург баргузор мешавад, ки дар он раҳбарони Чин, Ҳинд, Бразилия ва Африқои Ҷанубӣ ва Русияро вазири умури хориҷии Русия Сергей Лавров намояндагӣ мекунанд.
Владимир Путин, раиси ҷумҳури Русия дар ин нишаст тавассути онлайнӣ ширкат мекунад.