ДУШАНБЕ, 18 июл — Sputnik. Раиси вилояти Суғд Раҷаббой Аҳмадзода бо намояндаи ваколатдори президенти Қирғизистон дар вилояти Бодканд Абдикарим Алимбоев мулоқоти навбатӣ доир намуд.
Бино ба иттилоъи маркази матбуъотии раиси Суғд, ҷонибҳо аз рӯи анъана масъалаи таҳкими равобити дӯстонаи ду вилояти марзиро баррасӣ карданд.
Аҳмадзода ва Алимбоев омодагии худро барои густариши шарикии иқтисодӣ ва иҷтимоӣ изҳор намуда, бори дигар таъкид намуданд, ки масъалаи аломатгузории марз танҳо тавассути дипломатия бо ҳамдигарфаҳмии комил ва ризоияти ҷонибҳо ҳал хоҳад шуд.
Намояндагони ду кишвар қайд карданд, ки мавҷудият дар фазои ҳамсоягӣ, сулҳу дӯстӣ ягона афзалияти сокинони маҳаллӣ мебошад.
Қаблан хабар дода шуда буд, ки Аҳмадзода, Алимбоев ва раиси вилояти Фарғонаи Ӯзбекистон Хайрулло Бозоров ба як нишасти минтақавӣ ҷамъ омадаанд.
Тавре ба аз хадамоти матбуоти раиси вилояти Суғд хабар доданд, мулоқот судманд сурат гирифт, ки "натиҷаи талошҳои пайвастаи сарони давлатҳост".