ДУШАНБЕ, 11 июл — Sputnik. Коршиноси масоили сиёсӣ ва вазири хориҷаи собиқи ИМА Ҳенри Киссинҷер дар мусоҳиба бо пранкерони рус, ки худро Владимир Зеленский муаррифӣ карданд, гуфт, ки Иёлоти Муттаҳида бовар надорад, ки Украина зимни ҳамлаи ҷавобӣ Қримро тавонанд баргардонад.
Навори видеоии сӯҳбат дар шабакаи Telegramm-и пранкерон нашр шудааст.
"Фикр мекунам, баргардонидани Қрим (ба Украина) боиси авҷ гирифтани авзоъ мешавад. Ман мутмаин будам, ки мо дар ин масъала бо шӯмо ихтилофот доштем. Ман бовар дорам, ки ихтилофҳоеро ҳам дар робита ба пайвастан ба НАТО доред”, - гуфт ӯ.
Оқои Киссинҷер илова кард: “Ҳамкори шумо, ҷаноби Ермак (сардори дафтари Владимир Зеленский, Андрей Ермак) дар сӯҳбат бо ман аз музокироти оташбас ва музокироти ниҳоии сулҳ ёдовар шуд. Ин имконнопазир аст. Таассуроти ман аз мулоқот бо нафарони мо чунин аст: онҳо бовар надоранд, ки шумо метавонед Қримро дар ин ҳамлаи ҷавобӣ таҳти назорат гирад”.
Вай таъкид кард, ки ин масъала дар ҳоли ҳозир ба бунбаст рӯ ба рӯ шудааст.
"Шумо метавонед пешниҳодҳо дар бораи гузаронидани раъйпурсиро баррасӣ намоед. Ин як раванди табиӣ аст. Аммо ҷаноби президент, ман шоҳиди он будам, ки дар Ветнам ин равандҳо чӣ гуна анҷом ёфт. Ин комилан аз як дигар фарқ доранд", - афзуд Ҳенри Киссинҷер.