ДУШАНБЕ, 29 июн — Sputnik. Иштирокчиёни ҷашнвораи байналмилалии эҷодиёти бадеии кӯдакону наврасон "Истеъдодҳои ҷавон" аз шаҳри Нораки вилояти Хатлон дидан карданд.
Дар ин бора аз маркази кӯдакону наврасони шаҳри Душанбе хабар доданд.
Гуфта мешавад, ки онҳо аз боғи миллии “Норак”, “Анор”, осорхонаи шаҳрӣ ва дигар ҷойҳои ҷолиби диққати вилоят дидан карданд.
Ҳамин тариқ, дар ҷашнвора кӯдакон аз Русия, Ӯзбекистон, Туркманистон, Туркия, Покистон, Ҳиндустон, Афғонистон ва дигар кишварҳои Осиёи Марказӣ ширкат мекунанд.
Чорабинии мазкур соли сеюм аст, ки бо дастгирии раиси шаҳри Душанбе Рустами Эмомалӣ баргузор мешавад.
Дар назар аст, ки дар доираи Фестивали III байналмилалии эҷодиёти бадеии кӯдакону наврасон "Истеъдодҳои ҷавон" Озмуни дуюми байналмилалии эҷодиёти мусиқии кӯдакон, Намоишгоҳи дуюми байналмилалии рассомони ҷавон ва барномаи рангини фарҳангию фароғатӣ баргузор карда шавад.