ДУШАНБЕ, 31 май — Sputnik. Қазоқистон омода аст, ки муҳлати манъи содироти бензин ва сӯзишвории дизелӣ бо роҳи автомобилиро барои шаш моҳи дигар тамдид кунад.
Лоиҳаи фармони муштарак дар портали Open NPA нашр шудааст, ки муҳокимаи он то 13 июн ба нақша гирифта шудааст.
"Дар давоми шаш моҳ содироти бензин, сӯзишвории дизелӣ ва баъзе навъҳои маҳсулоти нафтӣ аз қаламрави Ҷумҳурии Қазоқистон тавассути роҳи автомобилгард, ... ба истиснои содирот дар зарфҳои гази аз ҷониби истеҳсолкунанда пешниҳодшуда манъ карда шавад, - гуфта мешавад дар матни ҳуҷҷат.
Дар ҳоли ҳозир ин мамнуъият, ки моҳи феврал муқаррар шуда, то август тамдид шуд, фаъолиятиашро идома медиҳад.
Қаблан, Вазорати энержии Қазоқистон қимати бензин ва сӯзишвории дизелӣ дар ин кишварро дар муқоиса бо кишварҳои ҳамсояааш поинтар хонда буд.
Ба гуфтаи ин ниҳод, дар пасманзари нобаробарии нархҳо дар навоҳии наздимарзии ин ҷумҳурӣ, “далелҳои нафтшӯӣ тавассути ҷараёни зиёди нақлиёти транзитӣ ва аз ҷониби сокинони навоҳии ҳамсояи наздимарзӣ мушоҳида мешавад".
Бо назардошти он ки Қазоқистон яке аз ду кишвари аслии таъминкунандаи маводи сӯхт ба Тоҷикистон аст, ҳар гуна тағйирот дар бозори сӯзишворӣ ба ҷумҳурӣ таъсир мерасонад.