ДУШАНБЕ, 11 май — Sputnik. Бар асоси иттилои “Росздравнадзор”-и Русия, ҳазорҳо шаҳрвандони Тоҷикистон барои гирифтани роҳхат ба таҷрибаомӯзии тиббӣ дар Русия муроҷиат кардаанд.
Ин ниҳод омори мутахассисони хориҷиро дар соҳаи тиб ва дорусозӣ, ки соли гузашта дархости тасдиқи дипломҳояшон кардаанд, пешниҳод кардааст.
Беш аз 50 дарсади довталабон шаҳрвандони Тоҷикистон ва Украина мебошанд. Ҳамин тавр, аз мутахассисони тибби Тоҷикисто 1101 — 20,7% ва Украина — 1940 (36,5 фоиз) дархост қабул карда шудааст.
Аммо бояд гуфт, ки бештар аризаи онҳо барои фиристодани мутахассисон ба хотири супоридани имтиҳони махсусе, ки барои дохил шудан ба фаъолияти касбӣ заруранд, рад шудааст.
Сабаби асосӣ ин тафовут байни сатҳи омодагии ва талаботи тахассусӣ ба мутахассис дар Русия мебошад.
Дар феҳрасти онҳое, ки хоҳиши дохил шуданро доранд, шаҳрвандони Қирғизистон – 617 нафар, 11,7%, Қазоқистон – 562 нафар, 10,6% ва Ӯзбекистон – 230 нафар, 4,4% мебошанд.
Муайян карда мешавад, ки аз 5,3 ҳазор нафар мутахассисон 2,9 ҳазор нафар (56,5%) довталабон дорои маълумоти олии тиббӣ ва дорусозӣ мебошанд.
Дар соли 2023 шумораи дархосту аризаҳо (нисбат ба соли гузашта 2,3 маротиба зиёд) дар бораи тасдиқи мутобиқати таҳсилоти хориҷӣ афзоиш меёбад.
Қобили зикр аст, ки дар охири соли 2022” Росздравнадзор” шартҳои эътирофи дипломҳои хориҷии кормандони тиб ва дорусозонро сахттар кард.