ДУШАНБЕ, 27 апр — Sputnik. Кормандони консулгарии генералии Русия дар шаҳри Хуҷанд дар арафаи ҷашни Рӯзи Ғалаба номаҳои табрикотии раисҷумҳури Русия Владимир Владимирович Путинро ба меҳнаткашони ақибгоҳ, дар солҳои Ҷанги Бузурги Ватанӣ, ки дар вилояти Суғд ба сар мебаранд, тақдим намуданд.
Дипломатҳои рус намаҳои табрикотиро ба Умурзоқов Эшбой, сокини ҷамоати Чашмасори ноҳияи Бобоҷон Ғафуров ва Шокиров Ҳотам сокини ҷамоати Палдораки ноҳияи Мастчоҳ расонданд.
Поздравление ветеранов Согдийской области с Днём Победы
© Генконсульство РФ в г. Худжанд
Ба нишони дӯстӣ ва эҳтироми мардумон масъулини ҳукумати маҳаллӣ, комиссариати ҳарбӣ ва Шӯрои собиқадорони ҷангу меҳнати ноҳияи Мастчоҳ ба кормандони консулгарии генералӣ нони тоҷикиро бо навиштаҷоти “Русия ва Тоҷикистон” ҳадя намуданд.
Ҳамчунин номаҳои табрикотии Владимир Путин ба Ҷураева Валентина Михайловна, Сербулова Мария Александровна, Куксина Клавдия Григорьевна супурда шуданд.
Дар баробари ин, дипломатҳои рус собиқадорони Ҷанги Бузурги Ватанӣ Аҳмадҷон Ҳобилов, Бурҳонбой Бердиев ва Абдуваҳоб Маҳкамовро, ки дар шаҳри Конибодом ва ҷамоати Хистеварзи ноҳияи Б.Ғафуров зиндагӣ мекунанд, дидан намуданд ва онҳоро бо ҷашни дар пешистода табрик намуданд.
Ёдовар мешавем, ки дар соли равонӣ ҳукумати вилояти Суғд ба 11 нафар собиқадорон ва маъюбони Ҷанги Бузурги Ватанӣ 7 ҳазор сомонӣ, 92 нафаре, ки дар ақибгоҳ кор мекарданд ва медал доранд, 4 ҳазор сомонӣ мукофотпулӣ хоҳанд дод. Маблағги умумии ҷудошуда ба ин мақсадҳо 445 ҳазор сомониро ташкил медихад.