ДУШАНБЕ, 18 апр — Sputnik. Президенти Русия Владимир Путин аз қароргоҳи гурӯҳи нерӯҳои "Днепр" дар самти Херсон боздид кард, хабар медиҳад хадамоти матбуоти сарвари давлат.
Ӯ гузоришҳои фармондеҳи қушунҳои ҳарбии ҳавоӣ генерал-полковник Теплинский, инчунин фармондеҳи гуруҳ генерал-полковник Макаревич ва дигар роҳбарони низомиро шунид.
"Намехоҳам шуморо аз вазифаҳои мустақими марбут ба фармондиҳӣ ва назорат парешон созам, аз ин рӯ мо дар ин ҷо ба таври кордонона, мухтасар, вале мушаххас суҳбат мекунем", - гуфт ӯ.
Маълум аст, ки Путин зимни мулоқот дар қароргоҳи "Днепр" аз низомиён хоста буд, ки дар бораи вазъ дар самтҳои Херсон ва Запорожье суҳбат кунанд ва маълумоти заруриро мубодила кунанд.
Президент таъкид кард, ки барои ӯ шунидани андеша дар бораи чӣ гуна инкишоф ёфтани вазъият дар ин самт муҳим аст.
Маврид ба зикр аст, ки қаблан раисҷумҳури Русия аз минтақаи Мариупол дидан карда, бо сокинони он мулоқот анҷом дод.