ДУШАНБЕ, 12 апр – Sputnik. Вашингтон ба ҷумҳуриҳои собиқи шӯравӣ фишор меорад ва талош дорад, ки шаҳрвандони онҳоро ба амалиёти ҷангӣ дар қаламрави Украина ҷалб намояд, гуфт Николай Патрушев, дабири Шӯрои амнияти Русия.
"Ҳоло ИМА бори дигар дар пайи барангехтани низоъҳо дар атрофи Русия ҳастанд ва болои кишварҳои собиқи Иттиҳоди Шӯравӣ фишор меоранд то кӯшиш кунанд шаҳрвандони онҳоро ба ҷанги Украина бикашанд", - гуфт оқои Патрушев зимни суханронӣ дар Налчик дар нишасти масоили амниятӣ дар Қавқози Шимолӣ.
Қаблан Дабири Шӯрои амнияти Русия гуфт, кишвараш кӯшишҳои Ғарбро барои шикастани робитаҳои кишварҳои Ииттиҳоди Давлатҳои Мустақил пайгирӣ мекунад.
Вай гуфт, Шӯрои амнияти Русия кӯшишҳои Ғарбро барои шикастани робитаҳои ИДМ, ки дар тӯли садсолаҳо байни халқҳо инкишоф ёфтаанд.
Ӯ гуфт, ин корро бо роҳи зиёд кардани фишор ба давлатҳои ИДМ пиёда карданиянд, аммо Ғарб дар айни замон намехоҳад робитаҳояш бо ин кишварҳоро қатъ кунад, балки самтҳои ҳамкории мутақобилан судмандро бо ин ҷумҳуриҳо муайян мекунад.