ДУШАНБЕ, 11 апр — Sputnik. Дастаи мунтахаби занонаи олимпии футболи Тоҷикистон дар бозии интихобии Олимпиада-2024 аз тими Покистон шикаст хӯрд.
Ба иттилои ФФТ, бозӣ, ки дар Ҳисор баргузор шуд, бо ҳисоби 0:1 ба нафъи соҳибони майдон анҷом наёфт.
Дар нимаи аввали бозӣ, бонувони футболбози Покистон тавонистанд ба дарвозаи мунтахаби олимпии Тоҷикистон гол ворид кунанд.
Ҳамин тариқ, ин бохт барои мунтахаби Тоҷикистон дар гурӯҳи "Е" пайиҳам 3 маротиба буд, ки ба далели он як хол ба даст овардан имкон надошт.
Аз ин гурӯҳ Филиппин бо 9 имтиёз ва 3 пирӯзӣ ба даври дуюми интихобии гурӯҳӣ идома хоҳад дод.
Ёдовар мешавем, ки даври аввали интихобии мусобиқоти бонувонb Бозиҳои олимпӣ-2024 дар гурӯҳи “Е” дар Ҳисор баргузор мешавад.
Дастаҳои мунтахаби Тоҷикистон, Филиппин, Ҳонконг ва Покистон барои роҳхат ба даври дувуми мусобиқоти тобистонаи соли 2024, ки дар Порис баргузор мешавад, мубориза мебаранд.