ДУШАНБЕ, 6 апр — Sputnik. Дар вилояти Хатлон, дар тамрингоҳи Ҳарбмайдон мусобиқаи варзишӣ миёни дастаҳои нерӯҳои низомии Русия ва Тоҷикистон доир шуд, гузориш медиҳад, дафтари матбуоти Ҳавзаи марказии ҳарбӣ.
Ба иттилои манбаъ, бозиҳо дар чаҳорчӯби машқҳои муштараки Русияву Тоҷикистон баргузор шуданд.
Ифтитоҳи мусобиқа бо сухани ифтитоҳии сардори шӯъбаи омодагии ҷангии Ҳавзаи марказии ҳарбӣ генерал-майор Сергей Пименков оғоз гардид.
Ӯ ба ҳамаи иштироккунандагон барори кор ва муборизаи одилона орзу намуд.
Ҳамин тариқ дар риштаи волейбол низомиёни Тоҷикистон ва низомиёни Русия дар футбол, дастхобонӣ, вазнбардорӣ ва ресмонкашӣ ғолиб шуданд.
Бо натиҷагирӣ аз сабқат ғолибон бо медалу ифтихорномаҳо сарфароз гардонида шуданд.
Дар фарҷоми чорабинӣ иштирокдорон низ даст ба ҳам фишурда, барои рақобати одилона изҳори сипос намуданд.
Ёдовар мешавем, ки 3 апрел нерӯҳои низомӣ дар тамрингоҳи "Ҳарбмайдон", 20-километрии марзи Афғонистон ба машқҳои муштарак шурӯъ карданд.
Онҳо омодагӣ ва гузаронидани амалиёти муштараки маҳви гурӯҳҳои мусаллаҳи ғайриқонуниро машқ намуданд.