ДУШАНБЕ, 22 мар – Sputnik. Дар роҳи ноҳияи Ҳамадонӣ дар рӯзи таҷлили иди Наврӯз садамаи нақлиётӣ рух дод, ки дар натиҷа ду нафар кушта шуданд.
Дар ин бора дафтари матбуоти Вазорати корҳои дохилии Тоҷикистон хабар дод.
Ба иттилои манбаъ, ронандаи 46- солаи автомашинаи “Опел-Астра”, ки сокини ноҳияи мазкур мебошад, зимни ҳаракат аз самти шаҳраки Маскав ба самти ҷамоати деҳоти Қаҳрамон аз уҳдаи идораи мошин набаромад.
Дар натиҷа, ронанда бо қисми пеши мошин ду дучархарон, ки яке 65 ва дигаре 45 – сола мебошанд пахш кард.
“Дучархаронҳо ҷароҳатҳои гуногуни ҷисмонӣ бардошта, дар ҷои ҳодисаа ба ҳалокат расиданд”, - омадааст дар хабари вазорат.
Манбаъ афзуд, ки ҳар ду куштаушда сокинони ноҳияи Ҳамадонӣ буданд.
Ба таъкиди Вазорати умури дохилии кишвар, феълан аз рӯи ин ҳодиса тафтишот идома дорад.