ДУШАНБЕ, 15 мар — Sputnik. Низомиёни рус як қисми минтақаи саноатии самти Купянскро зери назорат гирифтанд.
Дар ин бора Сергей Зибинский, раиси маркази матбуоти гурӯҳи ғарбии нерӯҳои мусаллаҳи Русия хабар дод.
"Ҷузъи шашуми артиши умуминизомӣ бо қувваи шаш гурӯҳи ҳамлавар дар охири рӯз як қисми минтақаи саноатиро ба зери назорати худ гирифта, се анборро азхуд карданд", - гуфт ӯ.
Илова бар ин, низомиёни Русия низ тавонистаанд як гурӯҳи ишғолгар ва иктишофии душманро нобуд карда, интиқоли захираҳо дар минтақаи Синковкаи вилояти Харковро халалдор кунанд.
Ба гуфтаи коршиноси низомӣ, подполковники мустаъфии ҶМЛ Андрей Марочко, вазъ дар бахши Сватов-Кременскийи фронти нерӯҳои амниятии Киев бадтар мешавад.
Вазорати дифоъ афзуд, ки ҳамарӯза нерӯҳои мусаллаҳи Украина дар ин бахши ҷабҳа даҳҳо низомии худро аз даст медиҳанд.
Як рӯз пеш ҳавопаймоҳо ва тӯпчиёни гурӯҳи Ғарбӣ ба воҳидҳои Украина дар минтақаҳои Синковка ва Кисловкаи вилояти Харков зарба зада, то 75 ҷангандаи қувваҳои мусаллаҳи Украина, мошинҳои ҷангии пиёда, 3 мошин, 4 гаубитса нобуд карданд.