ДУШАНБЕ, 23 фев — Sputnik. Дар ҷараёни амалиёти ҳамла дар самти Донетск дар як рӯз беш аз 210 сарбоз ва 12 техникаи украинӣ нобуд карда шуд.
Дар ин бора Вазорати дифои Русия рӯзи панҷшанбе хабар дод.
Бар хабари манбаъ, низомиёни рус ҳамчунин дар наздикии Авдиевка дар ҶМД анбори муҳимоти нерӯҳои мусаллаҳи Украинаро нобуд карданд.
Қаблан ин ниҳод хабар дод, ки Киев дар самтҳои Купянск ва Краснолиман дар як рӯз ҳудуди то 150 сарбозашро аз даст дод.
Аз ҷумла гуфта шуд, ки дар самти Краснолиманский дар натиҷаи зарбаҳои ҳавоӣ, оташи тӯпхонаӣ ва мушакандозҳои чандгонаи шадиди гурӯҳи нерӯҳои "Марказ" дар манотиқи шаҳракҳои Ямполовка Ҷумҳурии Мардумии Донетск, Стелмаховка ва Червоная ДиброваиҶумҳурии Мардумии Луганск, то 100 низомии украинӣ, ду мошини зиреҳпӯши ҷангӣ, ду тӯпи Д-30 ва инчунин як радари истеҳсоли ИМА AN/TPQ-37-и нобуд карда шуданд.
Русия аз рӯзи 24 феврали соли гузашта дар Украина амалиёти вижаи низомӣ оғоз кард. Раисиҷумҳури Русия Владимир Путин вазифаи онро "ҳифозати одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор доштанд".
Ба гуфтаи раисҷумҳур, ҳадафи ниҳоии амалиёт озодсозии Донбасс фароҳам овардани шароитест, ки амнияти Русияро кафолат медиҳад.