ДУШАНБЕ, 25 янв — Sputnik. Раиси пойтахт, Рустами Эмомалӣ аз натиҷаҳои кораш дар ҷаласаи васеи ҳукумат ҳисобот дод.
Ба иттилои дафтари матбуоти раисҷумҳури Тоҷикистон, раиси Душанбе изҳор доштаст, ки тайи соли гузашта дар пойтахт 708 иқдоми созандагӣ амалӣ шудаанд.
Аз ҷумла бунёди 14 муассисаи таҳсилоти умумӣ ва томактабӣ, 8 муассисаи тандурустӣ, 74 корхонаю коргоҳи саноатӣ, 16,3 километр роҳ, 11 бинои маъмурӣ, 23 иншооти баландошёна бо 28 маркази хизматрасонӣ, 8 иншооти варзиш, рангубори 146 бино амалӣ гардиданд, афзудаст ӯ.
Вай афзудааст, ки иқдомоти дигар бо фароҳам кардани беш аз 2 ҳазор ҷойи нави корӣ татбиқ шуданд.
"Соли 2022 нисбат ба соли қаблӣ дар пойтахт ҳаҷми истеҳсоли маҳсулоти саноатӣ 110%, гардиши савдои хориҷӣ 2 баробар, гардиши савдо 109%, хизматрасонии пулакӣ 126%, маблағгузорӣ ба сармояи асосӣ 103%, боркашонӣ 1,7 баробар ва мусофиркашонӣ 109% афзоиш ёфтааст", - гуфт ӯ.
Раисҷумҳури Тоҷикистон ҳисоботи раиси Душанбе ва вилоятҳоро шунида, роҳбарони шаҳру навоҳиро барои густариши омодагӣ ба ҷашни 35-солагии истиқлоли давлатӣ муваззаф кардаст.
Ӯ дасур додаст, ки раисон ба ҳалли саривақтии арзу шикоятҳои мардум, дастгирии соҳибкорӣ, тақвияти ҳамкорӣ бо бахши хусусӣ, таъмини рушди устувори иқтисодиву иҷтимоӣ таваҷҷуҳи махсус диҳанд.