ДУШАНБЕ, 24 янв – Sputnik. Дар Душанбе ба мақомоти Тоҷикистон ҳолати техникии ҳавопаймоҳои хурдҳаҷми L410 UPV ва L410NG, ки дар Чехия истеҳсол мешаванд, рӯнамоӣ гардид, иттилоъ додааст Вазорати нақлиёти кишвар.
Муаррифии ҳавопаймоҳои мазкур зимни мулоқоти Вазири нақлиёти Тоҷикистон Азим Иброҳим бо ноиби президенти ширкати “Омнипол”-и Чехия Джозеф Пига, ки ахиран дар Вазорати нақлиёти кишвар баргузор гардид, сурат гирифт.
Намояндагони ширкати “Омнипол” иброз доштааст, ки ҳавопаймоҳои мазкур аз барои бехатарӣ дар сатҳи баланд қарор дошта, барои мусофиркашонӣ ва интиқоли бор дар қаламрави Тоҷикистон мусоид мебошанд.
Дар ҳамин ҳол, муовини директори Агентии авиатсияи граждании Тоҷикистон Азиз Набизода, ки дар ин мулоқот ҳузур дошт, омодагии Агентиро барои идомаи гуфтушунид ва ҳамкории минбаъда бо ин ширкат иброз намуд.
Ёдовар мешавем, ки фаъолияти ширкати “Омнипол” дастрас намудани таҷҳизоти авиатсонӣ ва ҳавопаймоҳои хурдҳаҷми L410 UPV ва L410NG барои парвозҳои маҳаллӣ мебошад.