ДУШАНБЕ, 1 дек – Sputnik. Вакилон ба тарбияи ватандӯстии шаҳрвандон, савдои электронӣ ва масъулияти падару модар дар таълиму тарбияи фарзанд баррасӣ хоҳанд кард.
Ин масоил дар иҷлосияи дувоздаҳуми Маҷлиси миллии Маҷлиси Олии Тоҷикистон даъвати шашум, ки рӯзи 16 декабр дар шаҳри Душанбе баргузор мегардад, баррасӣ мешавад, иттилоъ додааст дафтари матбуотии Маҷлиси миллии Маҷлиси Олии кишвар.
Тибқи иттилои манбаъ, дар ин бора қарори Раиси Маҷлиси миллии Маҷлиси Олии Тоҷикистон “Дар бораи даъват намудани иҷлосияи дувоздаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум” ба тасвиб расидааст.
Манбаъ таъкид кардааст, ки дар иҷлосияи дувоздаҳуми Маҷлиси миллӣ масъалаҳои Кодекси мадании Тоҷикистон, қонунҳои Тоҷикистон баррасӣ мегарданд.
Вакилон қонун “Дар бораи тарбияи ватандўстии шаҳрвандон”, “Дар бораи ҷовидон гардонидани хотираи ҳалокшудагон ҳангоми ҳифзи Ватан”, “Дар бораи савдои электронӣ”, “Дар бораи ворид намудани тағйиру иловаҳо ба Кодекси ҷиноятии Тоҷикистон”, “Оид ба ворид намудани тағйиру иловаҳо ба Қонуни Тоҷикистон”, “Дар бораи масъулияти падару модар дар таълиму тарбияи фарзанд” ва дигар қонунҳои қабулнамудаи Маҷлиси намояндагон, баррасӣ мегарданд.
Инчунин дар ин маҷлис пешниҳоди Ҳукумати Тоҷикистон дар бораи тартиби ҳалли масъалаҳои сохти маъмуриву ҳудудии Тоҷикистон дар назар дошта шудааст.
Иҷлосияи дувоздаҳуми Маҷлиси миллии Маҷлиси Олии Тоҷикистон, даъвати шашум 16 декабри соли равон дар шаҳри Душанбе баргузор мегардад.