ДУШАНБЕ, 10 ноя — Sputnik. Минтақаҳои озоди иқтисодии Тоҷикистон дар соли 2022 афзоиши содиротро нишон доданд, хабар медиҳад хабаргузории "Авеста" бо истинод ба ниҳодҳои марбута.
Ин бахши иқтисоди Тоҷикистон дар 9 моҳи соли ҷорӣ ба маблағи 869,4 ҳазор доллар содирот доштааст.
Дар мавриди воридот бошад, дар ин давра он ба маблағи беш аз 12,2 миллион долларро ташкил додааст. Ҳамин тавр, ин нишондиҳанда назар ба содирот қариб 14 баробар зиёд шуд.
Ин рақам аз ҳисоби харидани таҷҳизоти зарурӣ барои фаъолияти субъектҳои МОИ дохилшуда ташаккул ёфтааст.
Ҳамин тариқ, аз аввали сол субъектҳои МОИ "Суғд" ба маблағи беш аз 29,3 миллион доллар ва МОИ "Данғара" беш аз 4,5 миллион доллар маҳсулот истеҳсол кардаанд.
"Дар маҷмӯъ, гардиши субъектҳои МОИ-и ҷумҳурӣ дар моҳҳои январ-сентябр беш аз 33,4 миллион долларро ташкил дод", - гуфт манбаъ.
Қобили зикр аст, ки дар оғози сол маълумот дар бораи воридот ва содироти коло мутаносибан 2,4 миллион ва 60 ҳазор долларро ташкил додааст. Назар ба харидааш 40 баробар кам истехсол карда шудааст.
Ҳамин тавр, дар давоми моҳҳои охир фарқи байни воридот ва содирот қариб се баробар кам шуд.
Ёдовар мешавем, ки дар Тоҷикистон панҷ минтақаи озоди иқтисодӣ – Суғд, Данғара, Панҷ, Ишкошим ва Кӯлоб фаъолият мекунанд.
Дар ин минтақаҳо тақрибан 60 ширкатро ҷойгиранд, аммо дар айни замой на ҳамаи онҳо ба истеҳсоли маҳсулот ва хизматрасонӣ машғуланд.