ДУШАНБЕ, 8 ноя — Sputnik. Бо иштироки сарвазири Тоҷикистон Қоҳир Расулзода ва Раиси Вилояти Мухтори Кӯҳистони Бадахшон Мирзонабот Алишер Худобердӣ дар деҳаи Умараки ноҳияи Дарвоз осорхона ва пайкараи Шоири халқии Тоҷикистон Мӯъмин Қаноат мавриди баҳрабардорӣ қарор дода шуд, иттилоъ додааст дафтари матбуоти раиси ВМКБ.
Тибқи иттилои манбаъ, иншооти мазкур аз ҷониби соҳибкорони ватандӯст бо харҷи 4 миллион сомонӣ, барои арҷгузорӣ ба шахсияти устод Мӯъмин Қаноат сохта гардидаст.
Зикр гардидааст, ки пайкараи шоир дар баландии 4 метр ҷойгир шуда, гирдогирди он бо санги мармари истеҳсоли корхонаҳои саноатии ноҳия оро ва сабзу хуррам гардонда шудаст.
Дар осорхона тамоми масъули дасти Мӯъмин Қаноат, асарҳои гаронбаҳо, аксу мусаввараҳои таърихӣ бо чеҳраҳои шинохтаи кишвар, мукофотҳои давлати ҷамъиятӣ, ки аз фаъолият ва эҷоди ӯ нақл мекунанд, ҷой дода шудаанд.
Дар назди пайкараи шоир сарвазири Тоҷикистон Қоҳир Расулзода ва ҳайати расмиро ҳунармандони ноҳия бо композитсияи адабӣ, ки аз эҷоди эҷодиёти Мӯъмин Қаноат гулчин шудаст, пешвоз гирифтанд.
Сарвазири кишвар Қоҳир Расулзода чун нишони эҳтиром дар китоби меҳмонони фахрӣ соядаст гузошт.