ДУШАНБЕ, 1 ноя — Sputnik. Ду сокини ноҳияи Бобоҷон Ғафуроф зери девори бетонӣ мондаву ба ҳалокат расидаанд.
Бино иттилои дафтари матбуоти Кумитаи ҳолатҳои фавқулоддаи кишвар, ҳодиса рӯзи 31-уми октябр ҳангоми кор дар як бинои хароба рух додааст.
Ҳалокшудагони сокинони кӯчаи ба номи Додо Зокрирови ҷамоати деҳоти Хистеварз буда, яке 43-сола ва дуюмӣ 35 сол доштааст.
Гуфта мешавад, ки иншооти бекорхобидае, ба ҶДММ “Асрор” мансуб буда, қаблан корхонаи тавлиди равған буд, фавтидагон чун коргари кироя дар он ҷо кор мекарданд.
"Ҳангоми вайрон намудани қисмати иншооти ёдшуда, ҳарду зери бетонпораҳо монда, ба ҳалокат расидаанд", - афзудааст манбаъ.
КҲФ мегӯяд, бо дарёфти хабари мазкур дастаи имдодгарон дар вилояти Суғд ба ҷойи ҳодиса расида, ҷасадҳоро аз зери ғарами бетон берун оварда, ба мақомоти дахлдор супурдаанд.
Сабаби ин ҳодиса дақиқ маълум нест. Вале ба эҳтимоли зиёд риоя накардани қоидаҳои бехатарӣ ҳангоми иҷрои кор боиси марги онҳо шуда бошад.