ДУШАНБЕ, 31 окт – Sputnik. Бозингари тими миллии футболи Русия Александр Соболев дар бораи бозии дӯстонаи дарпешистода бо Тоҷикистон изҳори назар кард, менависад portrg.ru.
Ба иттилои манбаъ, дар арафаи ин бозӣ, ҳамлагари "Спартак" ба савол, ки ба ҳарифони худ чӣ диду муносибат дорад, ҷавоб дод.
"Ҳоло муҳим нест, ки бо кӣ бозӣ мекунем. Муҳим он аст, ки ин бозӣ барои тими миллии кишвар сурат мегирад. Бозӣ дар тими миллии Русия ҳамеша шараф аст", - гуфт ӯ.
Маврид ба зикр аст, ки бозии дӯстонаи тимҳои миллии Тоҷикистону Русия рӯзи 17 ноябр дар Душанбе соати 18:00 ба вақти Маскав ва 16:00 ба вақти маҳаллӣ дар назар аст.
Маврид ба зикр аст, ки қаблан Федератсияи байналмилалии футбол тими Русияро аз марҳилаи интихоби Ҷоми ҷаҳонии футбол ва бошгоҳҳои Русия аз мусобиқоти аврупоӣ хориҷ кард.
Ба гуфтаи Соболев, ин хеле бад аст, зеро варзишгарон барои мусобиқоти сатҳи ҷаҳонию қитъавӣ бозию тамрин мекунанд.
Президенти фахрии Федератсияи футболои Русия, Вячеслав Колосков дар шарҳи рақобати оянда бо Тоҷикистон гуфт, баргузории бозии дӯстона миёни дастаҳои мунтахаб ба ҷомеаи ҷаҳонӣ нишон хоҳад дод, ки футболи Русия дар инзивоъ нест.Ба гуфтаи ӯ, ҳоло тими Русия бояд бо онҳое бозӣ кунад, ки дастрасанд.