ДУШАНБЕ, 22 окт — Sputnik. Собиқ дабири кулли Ҳизби коммунисти Чин ва раиси ҷумҳурии он кишвар Ҳу Ҷинтао дар маросими пӯшидашавии Анҷумани XX-уми Ҳизби коммунисти Чин дар толори маҷлиси мардумии Пекин пеш аз муҳлат толорро тарк кард.
Дар ин бора мухбири РИА Новости хабар додааст.
Дар навори Анҷумани Ҳизби коммунист дида мешавад, ки чӣ гуна Ҳу Ҷинтао, ки дар тарафи чапи раисиҷумҳури Чин Си Ҷинпин нишастааст, ду нафар наздик омада, яке аз онҳо аз дасти раиси собиқи давлат гирифта, ӯро мебарад.
То анҷоми маҷлис ҷои ӯ холӣ буд. Дар бораи сабабҳои тарки толори кардани сиёсатмадори 79-сола дар миёни мулоқот гузориш нашудааст.
Аз рӯи ҷамъбасти анҷуман инчунин ҳайати Кумитаи марказии ҳизби коммунистии Хитой ва Кумитаи доимии Бюрои Сиёсӣ муайян карда шуд.
Ба ҳайати нави КМ Ҳизби коммунистии Чин 205 кас дохил шуд. Дар миёни аъзои кумитаи доимии даъвати қаблӣ аз ҳафт нафар танҳо се нафар, аз ҷумла худи Си Ҷинпин, дубора интихоб шуданд.
Ғайр аз ин, ба хайати нави КМ 4 нафар шахсони мансабдор дохил карда нашуданд, ки сабаби ба нафақа баромадани онҳо буд.
Си Ҷинпин зимни суханронӣ дар конгресс гуфт, ки Чин дар арсаи байналмилалӣ пешрафт ва мавқеи худро дар иқтисод таҳким хоҳад дод.
Вай инчунин таъкид кард, ки ҳалли масъалаи Тайван кори хусусии халқи Чин мебошад. Кишвар бо роҳи осоишта муттаҳид шуданро исрор мекунад, вале аз андешидани тамоми чораҳои зарурӣ даст намекашад.
Си Ҷинпини 69-сола аз соли 2012 раиси Ҳизби коммунисти Чин аст. Пас аз як соли раҳбарӣ вай инчунин вазифаи раҳбарии Чин ва раиси Шӯрои марказии ҳарбии ҶМЧ-ро гирифт.
Дар давраи ҳукмронии ӯ, таҳлилгарон дастовардҳои назаррасро дар рушди кишвар қайд мекунанд. Хитой мавқеи байналхалқии худро мустаҳкам кард, дар мамлакат модернизатсия ва индустрикунонии васеъ давом дорад.