ДУШАНБЕ, 22 окт – Sputnik. Изҳороти кишварҳои ғарбӣ дар бораи интиқоли эҳтимолии ҳавопаймоҳои бесарнишини Эрон ба Русияро дурӯғ аст.
Дар ин бора намояндаи доимии Федератсияи Русия дар СММ Василий Небензя дар ҷаласаи Шӯрои амнияти созмон изҳор дошт.
"Ҳоло Украина ва сарпарастони ғарбии он кӯшиш мекунанд, ки як дурӯғи дигарро гардон кунанд: дар бораи интиқоли эҳтимолии ҳавопаймоҳои бесарнишини эронӣ ба Русия, ки гӯё бар хилофи қатъномаи 2231 Шӯрои Амният аст(тасдиқи таъсиси БАРҶОМ - ред.)",- гуфт Небензя.
Ба гуфтаи ӯ, Русия "ҳар гуна кӯшиши ҷалби Котиботи СММ ба ин бозии бевиҷдононаро рад мекунад, ки намунаи он номаи Олмон, Фаронса ва Британияи Кабир дар Шӯрои Амният аст.
Чунон ки намояндаи доимӣ хабар дод, ИМА дар мактуби худ бевосита аз котибот талаб карданд, ки тафтиш гузаронад, ки ба вай чунин ҳақ дода нашудааст.
"Ин як вазъияти ногувор аст ва мо дар номаи ҷавобие, ки ҳамаи шумо қабл аз вохӯрӣ гирифтаед, баҳои ҳуқуқии худро пешниҳод кардем. Мо мунтазири тасдиқи комили Котибот ҳастем, ки ин дастурҳои ғарбиҳоро бар хилофи Оинномаи СММ иҷро карданӣ нест ва ҳеҷ гуна тафтишот намегузаронад", - таъкид кард Небензя.
Қаблан сухангӯи вазорати хориҷаи Русия Мария Захарова изҳор дошта гуфт, ки гузоришҳо дар бораи чунин интиқолҳо овозаҳоест, ки аллакай борҳо рад карда шуда, чунин буҳтонҳо аз ҷониби ИМА ва шариконаш барои фишор ба Теҳрон истифода мешавад.
Дар ҳамин ҳол сафир ва намояндаи доими Ҷумҳурии исломии Эрон назди СММ Амирсаъиди Еревонӣ низ дар ҷамъи хабарнигорон иддаоҳои беасос дар мавриди интиқоли паҳпод аз сӯи Эрон барои истифода дар ҷанги Украинаро рад ва таъкид кард ин иддаоҳо ҳеҷ иртиботе бо қатъномаи 2231 надорад.