ДУШАНБЕ, 20 окт — Sputnik. Равобити Русия ва кишварҳои Шарқ ҳар қадар мустаҳкамтар шавад, ҳукмронии ҷаҳонии ИМА ҳамон қадар тезтар заиф мешавад.
Дар ин бора рӯзномаи Jerusalem Post менависад.
Муаллифи нашрия қайд мекунад, ки вазъи кунунии ҷаҳон на ба ҷанги сард, балки як тағйирёбии глобалӣ шабоҳат дорад.
"Аз ҷаҳоне, ки марказаш Аврупо буд ва решааш, ки ҳукмронии мустамликавӣ ва ҷангҳо қарор дорад, аз ҷаҳоне, ки Иёлоти Муттаҳида ҳамчун гегемони ҷаҳонӣ тартиботи худро таҳмил мекард, он ба як тартиботи нави ҷаҳонии бисёрқутбӣ, ки аз ҷониби Чин, Русия, Эрон, Туркия ва дустони онҳо идора мешавад ҳаракат мекунад", — таъкид кардааст коршинос.
Ба фикри ӯ, сиёсати берунии ҳозираи Русия ба таҷрибаи Иттифоқи Шӯравӣ асос ёфтааст: мамлакат боз ба давлатҳои ҷануби ҷаҳонӣ рӯ оварда истодааст. Русия аллакай бо Чин, Эрон ва Туркия фаъолона ҳамкорӣ мекунад.
Маскав ҳамчунин бо кишварҳои Осиёи Марказӣ, Халиҷи Форс ва Покистон равобит барқарор дорад.
Дар ин кор, хашми Амрико ба Арабистони Саъудӣ аз тасмими ахири коҳиши истихроҷи нафт ба нафъаш хоҳад буд.
Коршинос таъкид карда, ки изҳороти Сергей Лавров, вазири хориҷаи Русия борҳо ба ҷаҳониён рӯшан кардааст, ки ояндаи Русия дар шарқ аст.
"Президенти Русия ошкоро Ғарбро ба чолиш кашида, дар Украина амалиёти вижаро оғоз кард. Пас ин сиёсати давлати Русия аст", - хулоса кардааст муаллифи нашрия.