ДУШАНБЕ, 13 окт — Sputnik. Афғонистон яке аз мушкилоти доғи амнияти минтақавӣ боқӣ мемонад.
Дар ин бора президенти Русия Владимир Путин зимни нишасти сарони Машварати ҳамкорӣ ва тадбирҳои боварӣ дар Осиё изҳор дошт.
Раҳбари Русия таъкид кард, ки яке аз шадидтарин чолишҳои амниятӣ вазъ дар Афғонистон боқӣ мемонад, ки мушкилоти терроризм пас аз ҳузури Амрико шадидтар шудааст.
"Мутаассифона, Афғонистон яке аз шадидтарин чолишҳои амниятӣ барои минтақаи мо боқӣ мемонад. Имрӯз ҳамкасбон дар ин бора ҳарф задаанд. Пас аз беш аз 20 соли ҳузури низомии ИМА ва НАТО, шикасти сиёсати онҳо ин кишвар натавонист ки мушкилоти марбут ба таҳдидҳои террористиро мустақилона ҳал кунад”, - гуфт Путин.
Раисиҷумҳури Русия ҳамчунин хостори озод кардани маблағҳои ғайриқонунии масдудшудаи Афғонистон ва ҷуброни хисороти расида дар солҳои ишғол ба ин кишвар шуд.
"Мо ҷиддӣдаъват мекунем, ки зарари дар солҳои ишғол ба афғонистониҳо расида ҷуброн шавад ва маблағҳои ғайриқонунии мунҷамидшудаи Афғонистонро боз шавад", - гуфт ӯ.
МҲТБО як форуми байнидавлатӣ буда, бо ташаббуси Қазоқистон соли 1992 таъсис ёфта, фаъолияти он ба фароҳам овардани шароит барои муколама, қабули қарорҳо ва татбиқи тадбирҳо дар соҳаи таъмини амният дар Осиё нигаронида шудааст.
Ҳоло дар ин форум 28 узв ширкат доранд, ки тақрибан 90% ҳудуд ва аҳолии Осиёро фаро мегиранд. Як қатор давлатҳо ва панҷ созмони байналмилалӣ, аз ҷумла СММ, мақоми нозирӣ доранд.