ДУШАНБЕ, 11 окт — Sputnik.Сиёсати кунунии Эрон ироаи кумакҳои ҳамаҷониба ба мардуми Афғонистон барои ҷилавгирӣ аз бурузи фоҷеаи инсонӣ мебошад, гуфт Ҷалил Раҳимии Ҷаҳонободӣ, узви Комиссияи амнияти миллӣ ва сиёсати хориҷии Маҷлиси Шӯрои исломии Эрон, иттилоъ додааст хабаргузории ИРНА.
Оқои Ҷаҳонободӣ дар дидор бо Ҳидее Икебе, раиси дафтари ҳайати муовинати СММ дар Афғонистон (UNAMA) афзуд, ҳамаи кишварҳои минтақа ва ҷомеаи ҷаҳонӣ барои ҷилавгирӣ аз густариши буҳрон дар Афғонистон бо якдигар ҳамкорӣ кунанд.
Вай афзуд, Эрон барои шиносоии толибон мунтазири иқдомоти амалии ҳокимонаш аст.
“Эрон барои чанд даҳа ҳомиву мизбони мардуми Афғонистон буда ва дар ҳадди тавон имконоти маишатӣ, беҳдоштӣ ва омӯзиширо барои онҳо фароҳам карда ва акнун мизбони беш аз 5 миллион шаҳрванди Афғонистон аст”, - гуфт ӯ.
Раҳимии Ҷаҳонободӣ бо таъкид бар ин ки тамаркузи Амрико таъдили қудрати Русия ва Чин будаву Афғонистонро ба толибон супурдааст, афзуд: Амрико аз сӯи дигар дар талош аст қудрати ДИИШ-ро зинда карда то битавонад минтақаро ноором кунад.
Ҳидее Икебе аз Эрон барои пазириш ва ҳимоят аз миллионҳо афғонистонӣ гуфт изҳори сипос кард ва гуфт бояд аз мардуми Афғонистон ҳимоят кард ва СММ дар фикри роҳи ҳалле барои кумакрасонӣ ба мардуми Афғонистон бо вуҷуди мавонеи ҳукумати толибон аст.