ДУШАНБЕ, 1 окт — Sputnik. Хонандагони рӯзномаи бритониёии Daily Mail изҳороти раисиҷумҳури ИМА Ҷо Байден ба раҳбари Русияро дар бораи омодагии НАТО барои дифоъ аз ҳар ваҷаб хоки кишварашро фаъолона баррасӣ мекунанд.
Яке аз корбарон навиштааст, ки "бисёр мехоҳад, то Байден дигар лаб во накунад".
"Вай ҳақиқатан мехоҳад ҷангро сар кунад. Қаҳри хирсро махезон", - навиштааст корбари дигар.
Корбарри дигар навиштааст, ки қабл аз он,ки Байден моро ба ҷанги ҳастаӣ мекашад, ӯро зуд аз вазифа дур кардан лозим аст.
"Аксари Амрико ба як калимаи Байден бовар намекунанд, чаро Путин ӯро ҷиддӣ қабул мекунад?", - қайд намудааст корбари дигар.
Хонандаи дигар навиштааст, ки ӯ на аз Путин, балки бештар аз маъмурияти Амрико метарсад.
Чанде пеш Байден гуфт, ки ИМА ва шариконаш комилан омодаанд, ҳар ваҷаб аз қаламрави Эътилофи Атлантикаи Шимолиро дифоъ кунанд ва аз Путин даъват кард, ки инро дуруст дарк кунад.
Ин изҳорот баъд аз имзои созишномаҳо дар бораи пайвастани ҷумҳуриҳои мардумии Донетск ва Луганск, вилоятҳои Херсон ва Запорожье ба Русия дар Кремл садо дод.
Зимни суханронӣ дар ин маросим, Путин, аз ҷумла, Иёлоти Муттаҳидаро ба он муттаҳам намуд, ки мехоҳанд Русия ва дигар давлатҳои соҳибистиқлолро шикаст диҳанд. Вай таъкид намуд, ки Русия бо тамоми нерӯ ва васоили мавҷуд аз худ дифоъ хоҳад кард.