ДУШАНБЕ, 17 сен — Sputnik. Президенти Қазоқистон Қосим-Жомарт Тоқаев қонун "Дар бораи ворид намудани тағйиру иловаҳо ба Конститутсияи Қазоқистон"-ро имзо кард.
Қобили таваҷҷуҳ дар он аст, ки ислоҳот дар бораи баргардонидани номи пойтахт аз Нур-Султон ба Остона аст.
Дар банди дигари қонун тағйироти конститутсия пешбинӣ шудааст, ки тибқи он раисиҷумҳури Қазоқистон метавонад танҳо ба як мӯҳлати ҳафтсола интихоб шавад, на ба ду панҷсола, чунон ки қаблан буд.
Ҳамчунин бар асоси ин қонун президет барои табдили ин ваколат ҳақ надорад.
Маврид ба зикр аст, ки номи пойтахти Қазоқистон моҳи марти соли 2019 пас аз истеъфои Нурсултон Назарбоев, ки тақрибан 30 сол ин кишварро раҳбарӣ мекард, аз Остона ба Нурсултон табдил шуд.
Қосим Ҷомарт Тоқаев, ки қаблан раиси сенати (палатаи болоии) парлумони кишвар буд, раҳбари давлат шуд. Тоқаев баъд аз ба сари қудрат расиданаш пешниҳод кард, ки пойтахти кишвар шаҳри Остона ба шарафи президенти нахустини Қазоқистон ба номи Нурсултон иваз карда шавад.
Худи ҳамон руз парлумон тагйироту иловахои дахлдорро ба конституция кабул кард. Худи Назарбоев борҳо изҳор дошт, ки мухолифи ҳар гуна иваз кардани номи пойтахт аст.
Сарфи назар аз миқёси тағйирот, мақомоти Қазоқистон шаҳрвандонро ором карданд: ин дафъа иваз кардани ном ба сокинони пойтахт ҳеҷ қимате нахоҳад дошт, тамоми хароҷоти зарурӣ аз буҷаи шаҳр гирифта мешавад.