ДУШАНБЕ, 14 сен — Sputnik. Милаш Земан, раисҷумҳури Чехия ахиран дар радиои “Frekvence 1”-и Прага гуфт, ӯ дар ҷараён гуфтугӯҳои ахир дар Прага бо Лойд Остин, раҳбари Пентагон берун шудани НАТО аз Афғонистонро "иштибоҳии ғамангез" хонда, ки дар натиҷаи он ҳазорон демократ дар ин кишвар ба ҳоли худ раҳо шудааст, иттилоъ додааст Sputnik Афғонистон.
“Оқои вазир (Остин) ба ман гуфт, ки амрикоиҳо маҷбур шуданд Афғонистонро тарк кунанд зеро мардуми ин кишвар мехостанд. Аммо ман бо ин мувофиқ нестам. Ман муътақидам, ки ин як иштибоҳи ғами ангез буд, ки роҳро барои ҷумбиши толибон боз кард”, - гуфт Милаш Земан.
Вай илова кардааст, ки ман фикр намекунам, ки аксари афғонстониҳо мехостанд толибон муваффақ шаванд.
“Бо ин таслим шудан дар Афғонистон, мо ҳазорон ва ҳазорон демократонро ба ҳоли худ раҳо кардаем, ки мумкин аст акнун мурда бошанд", -қайд кард раисҷумҳури Чехия.
Ёдовар мешавем, ки гурӯҳи толибони пас аз имзои паймон бо Амрико дар 15 августи соли гузаштаи милодӣ ва бидӯни даргирии ҷиддӣ 33 вилояти Афғонистон ба ҷузи Панҷшерро тасарруф карданд ва пас аз ду ҳафта маркази Панҷшерро низ тасарруф карданд.
Бояд қайд кард, ки то кунун дар ин вилояти даргирӣ миёни неруҳои ҷабҳаи муқовимат ва ҷангҷуёни ин гурӯҳ ҷараён дорад ва дирӯз хабар дар бораи кушта ва захми шудани беш аз 50 ҷангҷӯи толиб раонаӣ шуд.