ДУШАНБЕ, 5 сен — Sputnik. Нимҳимоятгари дастаи мунтахаби Тоҷикистон Парвизҷон Умарбоев дар чемпионати Булғористон гол зада, мақоми тими навашро дар садри ҷадвал мустаҳкамтар кард.
Ба иттилои Федератсияи футболи Тоҷикистон, ин нахустин голи Умарбоев дар ҳайати тими наваш КМВА 1948-и София мебошад.
Дастаи Умарбоев дар бозии даври нӯҳуми чемпионати Булғористон тими "Берое"-ро бо ҳисоби 4:0 шикаст дод. Футболбози тоҷик дар дақиқаи 25-уми бозӣ гол зад. Ҳоло ин даста бо 20 хол дар садри ҷадвал қарор дорад.
Бозингар мавсими 2015/16-ро дар "Истиқлол" гузаронида, соли 2016 ба "Локомотив"-и Булғористон гузашта буд.
Умарбоев тайи шаш соли охир дар дастаи "Локомотив"-и Пловдив бозӣ мекард, аммо тобистони соли равон шартномаро бо ин тим қатъ кард ва ба КМВА 1948-и София гузашт.
Пойгоҳи машҳури варзишии Олмон "Transfermarkt.de" ӯро гаронарзиштарин футболбози тоҷик унвон карда буд. Ин пойгоҳ баҳои бозингаррро 900 ҳазор евро арзёбӣ карда буд.
Ин футболбози тоҷик аз хурдӣ дар мактаби "Рубин"-и Қазон таҳсил кардааст. Бо вуҷуди ин, ӯ ҳеҷ гоҳ дар ҳайати аввалааш бозӣ накардааст. Дар мавсими 2013/14 ӯ дар ҳайати "Нефтехимик-Нижнекамск" ва сипас дар "Химик Дзержинский" бозӣ кардааст.