ДУШАНБЕ, 28 авг — Sputnik. Вазорати умури дохилии Тоҷикистон ҳолномаи генерал Насимзода Акбар Ғиёсро, ки ахиран ба мақоми муовини вазир дар ин ниҳод таъйин шуд, нашр кардааст.
Бар асоси ҳолнома, Насимзода, 60 сол дошта, аз соли 1985 дар мақомоти умури дохилӣ кор мекунад.
Таъкид шудааст, ки ӯ фаъолияти корияшро аз вазифаи нозири хадамоти роҳбонии шуъбаи бозрасии автомобилӣ дар Душанбе оғоз карда, баъдан ба ҳайси сардори БДА дар ноҳияи Ҷайҳун, бозраси калони давлатии автомобилӣ ва баъдан сардори БДА дар ноҳияи Ҷ.Балхӣ фаъолият доштаст.
Дар пайи кор дар бархе аз мақомҳо дар вилояти Хатлон, аз ҷумла сардори идораи вилоятии бозрасии автомобилӣ, ба кор дар пойтахт гузаштааст.
ВУД мегӯяд, ӯ дар шаҳри Душанбе ба ҳайсри сардори ШБДА, муовини сардори Раёсати бозрасии давлатии автомобилии Вазорати корҳои дохилии Тоҷикистон ва баъдан сардори Раёсати бозрасии давлатии автомобилии ВКД кор кардаст.
Насимзода Акбар Ғиёс ахиран бо қарори ҳукумати Тоҷикистон, муовини вазири корҳои дохилии ҷумҳурӣ таъйин гардид.
Таъкид гардидааст, ки мавсуф аълочии милитсия буда, барои зоҳир намудани малакаю маҳорати баланди касбӣ бо як қатор медалу нишонҳои сарисинагӣ, ифтихорномаю сипосномаҳо мукофотонида шудааст.
ВУД зикр намудаст, ки Насимзода соли 2020 бо фармони президенти Тоҷикистон бо мукофоти давлатӣ - медали "Хизмати шоиста" қадрдонӣ шудааст.